नेवाः तजिलजि दबूया दँ मुँज्या

नेवाः तजिलजि दबू पोखराया दँ मुँज्या क्वचाःगु दु । दबूया नायः विष्णु शंकर ख्वाउँजुया सभापतित्वय् जूगु ज्याझ्वलय् नेवाः देय् दबूया नायः नरेश ताम्रकार मूपाहाँ कथं व्वति कयादीगु खःसा सल्लाहकार प्रकाश पालिखें विशेष पाहाँ कथं व्वति कयादीगु खः ।

ज्याझ्वलय् नेपाल आदिवासी जनजाति महासंघ कास्कीया नायः पान बहादुर भुजेलं नेपाल सम्वत् नेवाःतय्ग् जक सम्वत् मखुगु धयादिसें नेपाःया सकल आदिवासी जनजातिपिनिगु नं गौरव जूगु न्ह्यथनादिल । वय्कलं थुकियात सकल आदिवासी नापं नेपाःमितय्सं नालाः कायेमागु बिचाः नं प्वंकादिल ।

ज्याझ्वलय् वि.सं.२०५६ सालं निसें मदिक्क 'स्वनिगःपिनेया तजिलजि'या नामं नेपालभाषाया पत्रिका पिथने ज्याय् विशेष योगदान यानादीम्ह भाजु उदय बहादुर अमात्ययात स्वद्वःतका नापं हनापौ लःल्हायेगु ज्या जूगु खः ।

More Stories Like this