ताम्रकार कुलदेवता उग्रचण्डीमाई संरक्षण समितिया झिक्वःगु दँमुज्या

ताम्रकार कुलदेवता उग्रचण्डीमाई संरक्षण समितिया झिक्वःगु दँमुज्या उगु समितिया नायः अच्युतकृष्ण ताम्रकारया सभापतित्वय् जुल । वंगु भदौ १३ गते कुन्हु यलय् जूगु छगू ज्याझ्वःया दथुइ ताम्रकार कुलदेवता उग्रचण्डीमाई संरक्षण समितिया झिक्वःगु दँमुँज्या क्वचाःगु खः ।

ज्याझ्वलय् नेवाः देय् दबूया नायः नरेश ताम्रकार मूपाहाँ कथं ब्वतिकयादीगु खःसा शिल्पकार समाजया नायः मोतीलाल शिल्पकार, राजकर्णिकार समाजया नायः गौतम बहादुर राजकर्णिकार लगायतया नं व्वति दुगु खः ।

ज्याझ्वलय् समितिया नायः अच्युतकृष्ण ताम्रकारं नेवाःतय्गु पहिचान सहितया नेवाः राज्य प्राप्तिया आन्दोलनय् ताम्रकारतय्गु ने उलिहे सक्रिय ब्वति दुगु व थुगु आन्दोलनय् सदां ऐक्यवद्धता दुगु खँ धयादिल ।

अथहे ज्याझ्वलय् ताम्रकारतय् दथुइ एस.एल.सि निसें उच्च शिक्षा, खेलकुद नापं मेमेगू ख्यलय् ताःलापिंत बधाई व सिरपाः लःल्हायेगु ज्या नं जूगु खः ।

More Stories Like this