थँबहिलय् मिं नल
येँ (झीगु स्वनिगः)
थनया २९ वडास्थित थाबहिया दवली मार्गया छे ल्याः ८७।५ म्हिगः बहनिइ ७ ताः इलय् ग्यास लिक जुयाः मिं नःगु दु । हिराकाजी महर्जनया उगु छेय् वंगु दच्छि न्ह्यःनिसें बालं च्वनाच्वंम्ह नुवाकोटया लेकु गाविसया सुरेश गुरुङ्गया क्वथाय् मिं नःगु खः ।
मि च्यायेवं हे स्थानीय जनताया ग्वाहालिं उघि्रमय् मिं स्याःगु खः । अय्सां न्यागू लखतिया सम्पत्ति क्षति जूगु धाःगु दु । दमकल सःतलं इलय् मथ्यंगु व लिपा वयेवं मिं सीधुंकूगु खः । ग्याास लिक जुयाः न्हापा नं उगु लागाय् तक्वः मिं नये धुंकूगु व ग्याासया पाइप इलय् ब्यलय् स्वयाः हिलेमाःगु यात मनूतय्सं ध्यान मतइगु कारणं अथे दुर्घटना जुइगु धाःगु दु ।
