मेरील्याण्डय् हन येँयाःपुन्हि
वंगु आइतवाः सेप्टेम्वर १८ खुन्हु नेवाः अर्गनाइजेशन अफ अमेरिकाया ग्वसालय् न्हापांगु खुसिइ येँयाः पुन्हि हनेज्या जुल । सं.रा. अमेरिका मेरील्याण्डया ब्लाय्क हल रिजनल पार्कय् जूगु उगु ज्याझ्वः सम्हय् बजि व बार्बेक्यू लिसे १७० म्ह मल्याक पाहांपिं दथुइ हनेज्या जूगु खः ।
अर्गनाइजेशनया ग्वसालय् छुं ई न्ह्यः जूगु कय्तापुजा ज्याझ्वःया किपा व भिडियोया सिडी नं थुगु ज्याझ्वलय् वितरण याःगु खः । थुकिया लिसे ज्याझ्वलय् फुटबल, क्यारम बोर्ड, धुँ च्वलेचा आदि कासालिसें गितार व मादलसहितया नेवाः म्ये नं न्ह्यब्वःगु खः ।
ज्याझ्वलय् नेवाः अर्गनाइजेशन अफ अमेरिकाया नायः सिजन श्रेष्ठजुं येँयाः पुन्हिया महत्व बारे न्ववानादीगु खः । वय्कलं ज्याझ्वलय् झायादीपिं व ग्वहालि यानादीपिं सकसितं सुभाय् देछाना दिल ।
ज्याझ्वःया थप किपा (किपा- महेन्द्र श्रेष्ठ)
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
