थौं थारु मिसातय् जितिया नखः

येँ (सन्ध्या टाइम्स)/तराईया आदिवासी थारु समुदायया मिसापिंसं मस्त अकालं सीगुपाखें बचेयायेत नापं सन्तानया दीर्घायुया व भिं उसाँय्या कामना यानाः थौं तःजिक जितिया नखः हनाच्वंगु दु। थारु समुदायं दँय्दसं यंलागा अस्तमि कुन्हु थुगु नखः हनाः वयाच्वंगु दु। नखःया झ्वलय् मिसात ब्रत च्वनेगु नापं विशेष पूजा याइगु तकं चलन दु। थुगु नखःया झ्वलय् थारु मिसापिंसं थःपिनि म्हसीका पितबीगु कथंया वसः पुनाः मिसात जक मुनाः न्ह्याइपुकेगु नं याइ ।