'एमाले कांग्रेस असफल’
येँ (झीगु स्वनिगः)
उपराष्ट्रपति परमानन्द झा नं दिगो शान्ति कायम यायेगु व संविधान च्वयेगु ज्याय् एमाले व कांग्रेस असफल जुल धकाः धयादीगु दु । न्हापाया सरकारय् सहभागी जूगु एमाले व कांग्रेस दिगो शान्ति व संविधान च्वयेगु विषयया कयाः छुं नं रचनात्मक ज्या याये मफुगुलिं वय्कलं एमाले व कांग्रेस असफल जूगु खः धकाः धयादीगु दु । अन्तिम विकल्पया रुपय् लिपांगु इलय् माओवादी व मधेसवादी दलतय्गु गठबन्धनय् सरकार दयेकेगु ज्या जूगु खँ न्ह्यथनादिल । पोखराय् थनिनिसें सुरु जुइगु छगू ज्याझ्वलय् सहभागी जुइ न्ह्यः म्हिगः सोमवाः संचारकर्मीतलिसे खँल्हासें उपराष्ट्रपतिं अथे धयादीगु खः । शान्ति व संविधानया नितिं स्वदँ तकया दुने छुं नं ज्या याये मफुगु खँ न्ह्यथसें देशय् ठेकदारी एमाले व कांग्रेसया जक मखु धकाः नं धयादिल ।
