नेपाःया प्रमलिसे खँ ल्हायेगु भारतीय प्रमया एजेन्डा
येँ (सन्ध्या टाइम्स)/प्रधानमन्त्री डा. बाबुराम भट्टराईनं भारत स्वयां न्ह्यः न्यूयोर्कया भ्रमण यानादीसां न्यूयोर्कय् हे वय्कलं भारतीय प्रधानमन्त्री डा. मनमोहन सिंहयात नं नापलानाः खँल्हाबल्हा याइगु ज्याझ्वः धाःसा तय जूगु दु ।
तर भारतीय प्रधानमन्त्री नापलाइगु उगु खँल्हाबल्हाय् डा. भट्टराईनं छुं धायेगु स्वयां डा. सिंहं हे अप्वः धाइगु अनुमान जुयाच्वंगु दु। सूत्रं धाः कथं न्यूयोर्कय् नेपाःया प्रधानमन्त्री नापलायेवं छु छु विषयय् खँ ल्हायेगु धकाः भारतीय प्रधानमन्त्रीं थःगु एजेन्डा तयार यायेधुंकूगु दु। उगु बःहाकःगु भेटवार्ताय् भारतीय प्रधानमन्त्रीं नेपालय् नकतिनि सूर्य नेपालया कारखाना बन्द जूगु, युनाइटेड टेलिकमया कर सम्बन्धी विवाद लिसें मणिपाल कलेजय् माओवादी समर्थित डाक्टरतय्सं हडताल यानाच्वंगु आदिया बारे खँल्हाबल्हा याइगु जूगु दु ।
भारतीय प्रधानमन्त्री नापलाइबलय् नेपाःपाखें धाःसा छु विषयय् खँ ल्हायेगु धकाः छुं एजेन्डा दयेकूगु खने मदुनि। न्यूयोर्कय् संवोधन यायेत प्रम भट्टराई म्हिगः उखे झायेधुंकूगु दु ।
