सशस्त्र पुचःया गोलीं कयाः प्रहरी घाःपाः

येँ (सन्ध्या टाइम्स)/बाराय् थौं सुथय् सशस्त्र पुचलं कयेका हःगु गोलीं कयाः छम्ह प्रहरी हवल्दार घाःपाः जूगु दु। अनया भारतीय सीमावर्ती लागाय् च्वंगु बड्कीफुलबरिया गाविसय् गस्ती वंगु प्रहरी पुचःयात गोली कयेकाः आक्रमण याःगु खःसा उकी लानाः प्रहरी हवल्दार रमेश कुर्मी राउत घाःपाः जूगु दु। छ्यनय् गोलीं कःम्हह कुर्मीया अवस्था गम्भीर जुयाच्वंगु दु। आकाझाकां गोलीं कयकेवं प्रहरीया प्रतिकारय् लानाः सशस्त्र पुचःया जयमंगलप्रसाद यादव सीगु दु खँ प्रहरी निरीक्षक ज्ञानेन्द्रबहादर बस्नेतं जानकारी बियादीगु दु ।