सिद्धिदास माविया भवन उलेज्या

ख्वप (सन्ध्या टाइम्स)/महाकवि सिद्धिदास महाजुया १४४ दँ बुन्हिया लसताय् सूर्यविनायकय् जूगु छगू ज्याझ्वलय् सिद्धिदास माध्यमिक विद्यालयया न्हूगु भवन उलेज्या जुल। ख्वपया पुलांम्ह जिविस सभापति व राजनीतिज्ञ मदनकृष्ण हाडां रिबन चानाः भवनया उलेज्या यानादीगु खः। सिद्धिदास माविया अध्यक्ष नरेन्द्रभक्त हाडाया सभापतित्वय् जूगु सिद्धिदास बुदिं हनेगु ज्याझ्वलय् नेपाल साहित्य मन्दिरया नायः तिलकप्रकाश कायस्थ, विराट गुथिया नायः त्रिरत्न शाक्य, साहित्यकार रामशेखर नकःमि, तेजेश्वरबाबु ग्वंगः, डा. योगेन्द्र प्रधानपिंसं नुगःखँ प्वंकादीगु खः ।