बुंगय् खड्गी सेवा समितिया हिदान
येँ (सन्ध्या टाइम्स)/नेपाल खड्गी सेवा समिति बुङमति शाखापाखें राष्ट्रिय बाल दिवसया लसताय् छगू हिदान ज्याझ्वः यात। हिया महत्वयात ध्यानय् तसें उगु ज्याझ्वः यानागु खँ कजि प्रेम खड्गीं कनादिल। ज्याझ्वलय् ७८ म्हेसिनं हिदान याःगु खः ।
ज्याझ्वलय् नेपाल खड्गी सेवा समितिया नायः मनोज नेवाः खड्गी मूपाहांकथं झाःगु खः। लिसें केन्द्रीय न्वकु रामकृष्ण खड्गी, मूछ्यांज्ये अमिर शाही, बौद्ध शाखाया नायः देवनारायण खड्गी, नायः बचत तथा ऋण सहकारी संस्थाया नायः अमिर खड्गी नं दीगु खः। बुङमति शाखाया नायः सिद्धिबहादुर शाहीया सभापतित्वय् जूगु उगु ज्याझ्वलय् मेमेगु संघसंस्थाया प्रतिनिधितय्सं नं ब्वति काःगु खः ।
