भ्वखाय् ब्वयाः मनूत भागाभाग

येँय् स्वम्ह व धरानय् निम्ह मनूत सित

येँ (झीगु स्वनिगः)

म्हिगः आपुलुखं भ्वखाय् ब्वयाः ५ म्ह मनूत सीगु दु । येँया वृटिस एम्बेसीया ६ फिट तज्जाःगु पःखाः दुनाः निगः मोटरसाईकलय् वयाच्वंपिं निम्ह व मेम्ह छम्ह यानाः स्वम्ह मनूत सीगु दुसा धरानय् छेँय् च्यापय् जुयाः निम्ह मनूत सीगु दु । देय्न्यंक भ्वखाचं प्रभावित याःगु व समाचार वयेगु क्रम न्ह्यानां च्वंगु दु । मदुपिं मध्ये साजन श्रेष्ठ दँ २६, अनिता श्रेष्ठ दँ ८ व वीरबहादुर माझी दँ १९ याःम्ह खः । धरानय् २ म्ह सीपिनिगु नां सीकेमफुनि ।

घाःपाः जूपिं मध्ये वीर अस्पतालय् १५ म्हय्सिगु वासः जुयाच्वंगु दुसा मनमोहन हस्पिटलय् ३ म्हय्सिगु वासः जुयाच्वंगु दु ।
भारतया सिक्किम राज्यया नाम्चे व नेपाःया ताप्लेजुङ्गय् केन्द्रविन्दु जुयाः वःगु थुगु भ्वखाय् ६.८ रेक्टर स्केलया जूगु धाःगु दु । ९० सालया भ्वखाय् लिपा नेपालय् वःगु थ्व निगूगु तःधंगु भ्वखाय् खः । भारत व नेपाः देय्न्यंक क्षतिया विवरणत वयाच्वंगु दु । भारतया सिक्किम व भुटानया यक्कों छेँत बांमलाक्क प्रभावित जूगु दु । न्हून्हूगु छेँत चर्कय् जूगु दु । गुहातिइ यक्को छेँत चर्कय् जूगु दु । सिक्किमया यक्को थासय् जमिनतकं तज्याःगु दु, मत टेलिफोन अवरुद्ध जूगु दु । थाय् थासय् चलः वंगु नापं जानकारी वःगु दु ।

येय् जक ३० - ४० सेक्रेट भ्वखाय्या धक्का महशुस यात । छेाय् च्वनाच्वंपिं मनूत सकलें लाय् पिहांवल धायेवं हे सतक न्यंक मनूया मनुखं जक मुंगु खः । खोताङ्ग, तनहु, नेपालगञ्ज, संखुवासभा आदि जिल्लाय् भ्वखाचं बांमलाक्क प्रभावित याःगु दु । अनया यक्को छेत चर्कय् जूगु धाःगु दु । स्याङ्गजाय् छुं छेत दुंगु दु । संखुवासभाया जिल्ला प्रशासन ज्याकूया सञ्चार गृह दुंगु दु । अनया छम्ह प्रहरी नापं घाःपाः जूगु दु । थनया त्रिपुरेश्वरय् च्वंगु केन्द्रीय कारागारया छखा छेा नं बांमलाक्क दुंगु दु । येय् ताःतक्क नं टेलिफोन अवरुद्ध जूगु खः । ख्वपय् खुखा छे दुंगु दु । तर उकी मनू लाःमलाः धयागु सीमदुनि । अथेहे लुाहिति लागाय् छम्ह मनू सीगु धाःगु दु । उकिया बारे थप खा धाःसा मवःनि ।