मिस नेपाल जोशीयात नेवाः देय् दबू सुनसरीपाखें सम्मान

जोशी मय्‌जु धरानया पर्यटन व सांस्कृतिक विकास दूत घोषित

थुगुसीया मिस नेपाल २०११या उपाधी त्याकादीम्ह नेवाः मय्‌जु मनिला जोशीयात नेवाः देय् दबू सुनसरीं शनिवाः धरानय् छगू ज्याझ्वःया दथुइ भव्य सम्मान यात ।

देय् दबू सुनसरीया ग्वसालय् जूगु ज्याझ्वलय् धरान नरगरपालिका नापं खुगु थीथी पुचः व संस्थातय्सं मलिनायात हनेगु ज्याः याःगु खःसा नगरपालिकां ५१द्वः तका अभिनन्दन स्वरूप लःल्हाःगु खः । अथेहे उगु ज्याझ्वलय् मलिनायात 'धरानया पर्यटन व सांस्कृतिक विकास दुत' घोषणा नं यात ।

ज्याझ्वलय् न्ववायेगु झ्वलय् मलिनां मिस नेपाल जूगु सिबें अप्वः धरानय् सम्मान दया यक्व लय्तागु धयादिल । ज्याझ्वःलय् राष्ट्रिय ज्यापु दिवस समारोह समिति यटखा टोल येँया नेवाः साँस्कृतिक प्याखँत बज्रयोगिनी, खड्ग योगिनी, आकाश योगिनी, नैरात्न योगिनी नापंया प्रस्तुति नं न्ह्यब्वःगु खः ।

More Stories Like this