चलखं स्वम्ह सित

येँ (सन्ध्या टाइम्स)/रामेछापया उत्तरी रस्नालु गामय् वंगु चान्हय् वंगु चलखं ल्हानाः छखा हे छेँया स्वम्ह मनू सीगु दु। उकी लानाः रस्नालु गाविस वडा नं. ६ या श्यामबहादुर रोकायया २२ दँ दुम्ह भौ कल्पना रोका, १७ दँ दुम्ह म्ह्याय् संगीता रोका व निदँ दुम्ह छय् इन्जिला रोका सीगु खः।
चलखं ल्हानाः गीता रोका तसकं घाःपाः जूगु दु। गीतायात स्थानीयवासी व बेताली प्रहरी चौकीया सुरक्षाकर्मीतय्सं उद्धार याःगु खः। घटनास्थलय् उद्धारया लागिं थौं सुथय् हे प्रहरीया पुचः वनेधुंकूगु दु ।