नेपाःया मिसा ज्योतिष संघ स्वन
येँ (सन्ध्या टाइम्स)/देय्न्यंकंया मिसापिं ज्योतिषतय्त छप्पँ यायेगु ताः तयाः नेपाःया मिसा ज्योतिषतय्गु छगू मुँज्यां 'राष्ट्रिय महिला ज्योतिष संघ' गठन याःगु दु ।
पञ्चाङ्ग निर्णायक समितिया दुजः लिसें बाल्मिकी विद्याश्रमया पुलांम्ह अध्यक्ष श्रीकृष्ण अधिकारीं उलेज्या यानादीगु उगु ज्योतिष मुनाय् नेपाल ज्योतिष परिषद्या नायः डा. लोकराज पौडेल, पञ्चाङ्ग निर्णायक समितिया सदस्य सचिव सूर्य ढुंगेल, वास्तुविद् अच्युत नेपाल, दक्षिण एशियाली ज्योतिष महासंघया महासचिव लक्ष्मी बराल आदिपिंसं नं न्ववानादीगु खः ।
भेलां मय्जु रति जोशी श्रेष्ठया अध्यक्षताय् महिला ज्योतिष संघ नीस्वंगु खःसा उकिया न्वकु रोधना घिमिरे, दांभरि इन्दिरा गौतम व दुजलय् फुलमाया न्यौपाने व शर्मिला शर्मा सुवेदी च्वनादीगु दु ।
