स्वसः मस्तय्सं त्रिचन्द्रया पखालय् पेन्टिङ
न्ह्यावलें क्याम्पसया विद्यार्थीतय् राजनीतिक बहस व इलय् वयलय् विद्यार्थी संगठनतय् ल्वापु जुइगु येँया त्रिचन्द्र कलेज जःख शुक्रवाः स्कुलय् ब्वनिपिं विद्यार्थीतय् भीड शान्तपूर्वक वातावरणय् किपा दयेकेत व्यस्त खनेदत । न्ह्यावलें राजनीतिक नारां जाइगु त्रिचन्द्रया पखाः शुक्रवाः विद्यार्थीतय् कलां जाःगु खनेदत ।
स्वनिगः दुने च्वंगु न्यय्गूलं मल्याक ब्वनेकुथीया स्वसः विद्यार्थीतय्त शुक्रवाः थुगु ह्वताः चूलाका बिउगु खः आर्टुडियो नेपालं । 'विश्व ल्हाः सिलेगु दिवस'या लसताय् युनिसेफ, पशुपति पेन्टस्, लक्ष्मी क्यर्स, सृजना कजेल अफ फाइन आर्टस्, केयु आर्टस, चौधरी ग्रुप व द इमेज पार्कया ग्वाहालिइ आर्टुडियों उगु किपा च्वयेगु ज्याझ्वः ग्वसाःग्वःगु खः ।
'क्लिन ह्याण्स्, सेभ लाइफ' नारा बियाः न्ह्याःगु उगु ज्याझ्वलय् स्वसः विद्यार्थीतय्सं प्यसः मिटर ताःहाकःगु पखालय्
ल्हाः सिलेगु' थिमय् किपात दयेकूगु खः ।
आर्टुडियोया कथं ल्हाः सिलेमाःगु आवश्यकतायात ध्वाथुइकेत विश्व ल्हाः सिलेगु दिवसया लसताय् लच्छि न्ह्यः हे थुगु ज्याझ्वः ग्वसाःग्वःगु खः । मस्त व ल्याम्हतय्त सामाजिक ज्याखँय् सालेगु व चित्रकलायात सर्वसाधारणतय् न्ह्यःने याँउक उपलब्ध यायेत नं थुगु ज्याझ्वः अझ महत्वपूर्ण जूगु खँ आर्टुडियों न्ह्यथंगु दु ।
उगु ज्याझ्वःया छुं छुं किपा क्वय् न्ह्यब्वयाच्वना ।
(किपा : सुमित शाक्य/नेपालमण्डल डटकम)
More Stories Like this
मेरिल्याण्डय् लाखय् व पुलुकिसिलिसे हन येँयाः स्यस्यः समाजं सत्यमोहन जोशीयात हन मूलयात ग्वाहालि लःल्हात मेहेन्दी च्वयेगु कासा जुइगु मचातयत मां भाय् स्यनेगु संस्था नीस्वन
