लिप्पांगु कासाय् नेपाःपाखें साउदीनाप बराबरी

एएफसी अण्डर सिक्टिन यु-१६ च्याम्पियनशीप छनोत फुटबलया लिपांगु कासाय् नेपालं साउदी अरेबियायात बराबरीइ पंगु दु ।

येँया दशरथ रंगशालाय् जूगु कासाय् निखेरं छगू-छगू गोल जूगु खः । थुगु कासा बराबरी जुइवं नेपाल व साउदी अरेबिया निगुलिं छनौत कासां हे पिहांवंगु दु । कासाया झिंनिगू मिनेटय् फैसल द्वारिसं गोल यासें साउदी अरेबियायात न्ह्यःने लाकूगु खःसा नेपालया कप्तान हेमन गुरुङ्गं स्वीस्वंगू मिनेटय् गोल यानाः कासा बराबरीइ हःगु खः ।

अथेहे सशस्त्र प्रहरीया हल्चोक कासाख्यलय् सिरीयायात छगूया विरुद्ध निगू गोलं बुकूसें ओमान पुचः 'डी' पाखें छनौट जूगु दु । सिरिया थ्वस्वयां न्ह्यः हे छनौत जुइधुंकूगु खः ।

More Stories Like this