बिस्कं देय्या कथं दुजःया निंतिं आवेदन मबिइत अमेरिकाया इनाप

छगू बिस्कं देय्या कथं संयुक्त राष्ट्र संघया पूर्ण सदस्यताया निंतिं आवेदन बिइगु ज्या मयायेत अमेरिकां प्यालेष्टाइनयात इनाप याःगु दु । थुकिया निंतिं अमेरिकां थःगु थासं न्ह्याका वयाच्वंगु कुतःयात तच्वयेकाहःगु दु ।

अमेरिकी विदेशमन्त्री हिलारी क्लिण्टनं छगू पत्रकार सम्मेलनय् प्यालेष्टाइन नाप स्वाःगु थीथी पक्ष नापं जूगु सहलह कथं वार्ताया माध्यम हे पाय्छिगु लँपु जूगु धयादिल । अथेहे राष्ट्र संघया निंतिं अमेरिकी दूत सुजान राइसं प्यालेष्टाइनं अलग देय्या कथं मान्यता कायेत यकःति ढंगं यानाच्वंगु कुतलं शान्ति वार्ताय् बांमलाःगु लिच्वः लायेफूगु खँ धाःगु दु ।

मेखे अमेरिकां थुगु स्थिति गुगु नं हालतय् ज्यंकेत स्वयाच्वंगु दुसा प्यालेष्टाइनया कुतःयात थुकिया निंतिं भिटो छ्यलेगु नं स्वयाच्वंगु दु । संयुक्त राष्ट्र संघया महासभा मेगु वालंनिसें न्ह्यायेत्यंगु दु ।

More Stories Like this