छपाः पौ [चिबाखं]

तुयू पुं

छं लुमं जुइ, निलाति न्ह्यः जित पौ छ्वयाहःगु । थौं उकिया लिसः छ्वया हयाच्वना ।

छ ला तं नं चाल जुइ, निला निला मछि दतं नं लिसः मवःगुलिं......

न्हापांला पौ ब्वना, माःगु पौथें जित मता । उकिं सं , जिं म्हसिउम्हला छ खःहे मखुत । अलय् वः पौ, जि द्यनेगु फ्वंगा तलय्तुं लानाच्वन । जि थःगु ज्याये ब्यस्त ।

थौं व पौ पुइका । छपाः पत्रिकाय् जिगु बाखँ ब्वना, छं जित च्वःगु पत्र खनी । जि मिसां, जित थुकलं विउगु , छं सियाः खनिं थुकथं च्वयाहःगु..........

जि नं मिसा । अथेखसां सकलें मिसा बेमान मखु । छं मिसां वानावन, व छु खँय् जिं मसिल । जिं म्हिगः ययेका तयाम्हं , थौं वयाः, ब्याहा याना नं म्हृयाय् दय्धुंकल, अय्नं सां जि वःप्रति माया मतंनि । यःम्हं त्वताःवनकी थ्व म्हय् गुलितक मिं पु धैगु जि नं अनुभव याना ।

बाखं ब्वना । व बाखनय् थः मां अबुया खँ वास्ताहे मयासिं, छं मिसायात माया बिउगु खत । व माया अःखः जूगु थें जितः ताः । छ भचा मिसाप्रति चं चं धाःगु खनेदु । मिसा धैपिन्सं थः मिजंयात काचाक्क, त्वःता सुं मिसा अथे वनीमखु । छं थः मां बा त्वःता, छं मिसायात ज्वंगु खत । वं, थ्व खँ मथुल । जि स्वःयां बांलाःम्ह, नाइसिच्वंम्ह लुतकी जितः थ्वं त्वःती । छाय्कि बुइकुम मां नका तःम्ह बा, थें जाम्ह त्वःते फुम्ह ! जित सदां, नालि धैगु बिस्वाश वं मकाल । उकिं जुइ.........

थौं छ च्वच्वं थाय् वयागु किपाः, द्यनेबलय् मनय् खँल्हाः, ज्या यासां..........

थ्व च्वःगु पौ । जिं मखु धाय्मफु । थ्व सत्य खँ खः । जि मिसा खनकि न्वंतुजुइ माम्ह अथे खसां यःम्ह धैम्हला छम्ह जक हे खः । जित वानावम्ह । उकि जिं मेम्ह मनाला...

More Stories Like this