चुकू मतसे द्यंम्हेसित लासाय् स्याना तल

येँ (सन्ध्या टाइम्स)/क्वथाय् चुकू मतसे द्यनाच्वंम्ह पोखराया छम्ह ल्याय्म्हयात लासाय् हे गः कियाः स्यानातःगु अवस्थाय् लुइकूगु दु। पोखरा उपमनपा वडा ११ फुलबारीया २३ दँ दुम्ह मिल गुरुङयात थौं सुथय् उकथं स्याना तःगु अवस्थाय् लुइकूगु खः। लासाय् हे सिनाच्वंम्ह गुरुङया गःपः जःगु ल्वाभलं ध्यनातःगु लिसें ब्वहलय् घाः जुयाच्वंगु लूगु दु। वयात सुनां व छाय् स्याःगु धइगु खँ धाःसा सी मदुनि ।