छम्ह हे मन्त्री मवयेवं संसद स्थगित

येँ (सन्ध्या टाइम्स)/आर्थिक वर्ष २०६८/०६९ या बजेटया थीथी मन्त्रालय अन्तर्गतया बिनियोजन विधेयक बारे संसदय् जुयाच्वंगु दफावार सहलहय् थौं नं छम्ह हे मन्त्री मवयेवं बैठक स्थगित जूगु दु। थौं सुथय् सवा ११ बजे न्ह्याःगु संसद बैठकय् छम्ह हे मन्त्री मवयेवं सभामुख सुभाष नेम्वाङं बाघौया नितिं बैठक स्थगित यानादीगु खः। संसदया नियमावलीइ बैठकय् छम्हसां मन्त्रीया उपस्थिति जुइ हे माःगु व्यवस्था यानातःगु दु ।