विराट सम्मेलन लाय्कुली

ख्वप (सन्ध्या टाइम्स)/विराट नेपालभाषा साहित्य सम्मेलन गुथिया न्यय्दँ लुँ बुदिं ख्वपया लाय्कुली झःझः धायेक हनीगु जूगु दु। थ्वहे वइगु कौलाथ्व द्वादशी व त्रयोदशि (असोज २१ व २२ गते ) सदां थें निन्हुयंकं जुइगु थुगु सम्मेलन द्वादशी कुन्हु नेपालभाषा व थ्वया साहित्य तब्या व तफा यायेत तःजिगु योगदान यानादीपिं देशं दुने व देशं पिनेयापिं साहित्यकार विद्वानपिंत हनीगु नं ज्याझ्वः दु। त्रयोदशी कुन्हु विराटया न्हापांगु सम्मेलनंनिसें पीगुंगूगु सम्मेलन तक उत्कृष्ट सिरपाः त्याकादीपिं साहित्यकारपिंपाखें साहित्य पाठ याकेगु ग्वसाः दुगुलिं थुगुसीया सम्मेलनय् धेंधेंबल्लाः मजुइगु खँ धाःगु दु। न्हापांगु निसें पीगुंगूगु सम्मेलन तक पुरस्कृत जुयादीपिं साहित्यकारपिंत थःथःगु न्हूगु च्वसु व सिरपाः त्याकादीगु च्वसु बियादीत इनाप याःगु दु ।