ईलोहंया सिरपाः घोषणा

येँ (सन्ध्या टाइम्स)/ईलोहं प्रकाशनपाखें मचा साहित्यया ख्यलय् बिया वयाच्वंगु थीथी सिरपाः घोषणा याःगु दु। थुगुसीया 'ईलोहं ज्ञानज्योति सिरपाः बाल साहित्यकार तेजप्रकाश श्रेष्ठयात बीगु जूगु दु। अथे हे नःलि प्रधान सिरपाः तेजेश्वरबाबु ग्वंगःयात, ईलोहं-एल्भीस जोशी सिरपाः सन् साय्मि, ईलोहं-साय्मि सिरपाः निजला वज्राचार्य, पल्पसा शाक्य, न्हूजः कृष्ण महर्जन, सुजिना श्रेष्ठ व मन्जित खातीयात व ईलोहं-च्वखँ सिरपाः एलिना शाक्ययात बीगु जूगु दु ।

थ्वहे वइगु यंलागा ११ कुन्हु छगू ज्याझ्वःया दथुइ थ्व सिरपाः लःल्हाइगु ग्वसाः दु। वकुन्हु हे ईलोहं प्रकाशनया न्हूगु पिथना कथं अंग्रेजी लय्पौ 'द नेवारल्याण्ड' या विमोचन जुइगु खँ नं सीदुगु दु ।