लुमन्ति दबूपाखें सिद्धिदास बुन्हि
यल (सन्ध्या टाइम्स)/नेपालभाषा केन्द्रीय विभाग, पाटन क्याम्पसय् लुमन्ति दबूपाखें महाकवि सिद्धिदास महाजुया १४४ क्वःगु बुदिं म्हिगः न्यायेकल ।
४२ गू सफू च्वयादीधुंकूम्ह महाकवि सिद्धिदासया सफूत अझ नं अप्रकाशित ल्यं दनिगु विशेष चर्चा यानादिसें विशेष पाहां प्रा. माणिकलाल श्रेष्ठं वय्कःया साहित्यिक योगदान बारे कनादिल। मूपाहां सिद्धिलाल सिंहं महाकविया व्यक्तित्व बारे कनादिलसा अध्यापकपिं राजितबहादुर श्रेष्ठ, रास जोशी, जीवनबहादुर महर्जन, डा. तुयुबहादुर महर्जन, रवि शाक्य, बज्रमुनि बज्राचार्य, इश्वरी मैयाँ श्रेष्ठ आदिपिंसं सिद्धिदासया साहित्य बारे चर्चा यानादिल। लुमन्ति दबूया न्वकु अगिब बनेपालीया सभापतित्वय् जूगु उगु ज्याझ्वलय् सुनिता राजभण्डारीं लसकुस यानादीगु खःसा सुभाय् पूर्ण श्रेष्ठं बियादीगु खः। उगु हे ज्याझ्वलय् स्वास्थ्य परीक्षण यायेगु ज्या नं जूगु खः ।
