महाकवि सिद्धिदासया बुदिं
येँ (झीगु स्वनिगः)
म्हिगः बुधवाः नेपालभाषाया महाकवि सिद्धिदास महाजुया १४४ क्वःगु बुदिं । महाकवि महाजुया बुदिंया लसताय् म्हिगः सुथय् येँया नेपालभाषा मंकाः खलःया ग्वसालय् नसंचा उलेगु ज्या जूगु खः । येाया केलत्वालं न्ह्याःगु नसंचा हुलेगु ज्याझ्वः येँ देय्या थाय् थासय् चाःहिलाः क्वचायेकूगु खः । उगु ज्याझ्वलय् नेपालभाषा ख्यःया नेता व कार्यकर्तातय्सं ब्वति कयादीगु खः ।
दँय् दसं मंकाः खलकं महाकवि महाजुया किपाः ज्वनाः सुथ न्हापां नसंचा हुलेगु ज्याझ्वः यानाः लुमंकाः वयाच्वंगु दु । थ्व हे झ्वलय् म्हिगः बुधवाः ख्वपया सूर्यविनायका सिद्धिदास माविइ महाकवि सिद्धिदास महाजुया लुमन्तिइ छगू कवि गोष्ठी नं जुल ।
