एएफसी अण्डर १६ य् नेपाःया निराशाजनक प्रदर्शन
येँय् न्ह्यानाच्वंगु एएफसी अण्डर १६ अन्तर्गत समूह 'घ' या छनौट चरण पार यायेगु नेपाःया सम्भावना क्वचाःगु दु । न्हापांगु धेंधेंबल्लाः कासाय् सिरियालिसे हार व्यहोरय् याःगु नेपालं म्हिगः ओमनलिसे नं २ - ० गोलया हार व्यहोरय् यायेत बाध्य जूगु खः ।
स्पष्ट रणनीति लिसे धेंधेंबल्लाः कासा म्हिते मफयेवं नेपाः म्हिगः नं असफल जूवंगु खः । म्हिगः गोल किपर बीरेन्द्रबहादुर चन्दया कमजोरीया फाइदा कासें ओमनया हातिम सुल्तानं कासाया न्ह्यन्ह्यगूगु मिनेटय् न्हापांगु गोल याःगु खः ।
अथेहे ओमनय् मुबारक खालिफं गोल याःगु खः । थ्व स्वयाः न्ह्यः नं सन् २००९ सं नेपाःया टोली घरेलु मैदानय् हे न्हापांगु चरणपाखें हे पिहांवंगु खः ।
आः नेपालं कन्हय् साउदी अरेबिया लिसे धेंधेंबल्लाः कासा म्हितीगु उगु कासा केवल प्रतिष्ठाया निंतिं जक जुइगु जूगु दु ।
अथेहे म्हिगः हे जूगु मेगु धेंधेंबल्लाः कासाय् धिसिलाःगु टीम साउदी अरेबिया सिरियालिसे २ - १ गोलं बूगु दु । हलचोक मैदानय् जूगु उगु धेंधेंबल्लाः कासाय् सिरियां समूह बिजेता जुयाः न्हापांगु चरणय् वनेगु सम्भावना प्रबल दयेकूगु दु ।
More Stories Like this
बार्सिलोनाया खेलाडीतय् तलवय् ७० प्रतिशत कटौती साफ च्याम्पियनसिप फुटबलय् नेपाल त्यात विम्बल्डन च्याम्पियनपाखें सन्यासया घोषणा विश्वकप फुटबलया ट्रफि नेपालय् हइगु किंग्स कप"या उपाधि मनांग मर्स्यांदीयात
