हाथुद्यःयात ट्याक्सीं ठक्कर नकल

येँ (सन्ध्या टाइम्स)/यँयाःया झ्वलय् मरु भुतिसःया न्ह्यःने हाथु हायेकेत तयातःम्ह हाथुद्यः ट्याक्सीं ठक्कर नकाः कुतुंवःगु दु। थौं वंगु चान्हय् बा. १ ज ७६९३ नम्बरया ट्याक्सीं ठक्कर नकाः हाथुद्यः कुर्का थकूगु खः। मरुबहीया हाथा गुथि खलकं तइगु उगु द्यः व त्यप निगुलिं सिजःयागु जूगुलिं खास क्षति धाःसा मजुल। तर द्यः तयेत दयेकातःगु खः धाःसा स्यंका थकूगु दु। गाडीयात ज्वनाः जनसेवाय् कुना तःगु दुसा कुतुं वःम्ह द्यःयात थौं हे हानं तइगु खँ गुथिया थाकुलि हर्षवीर महर्जनं कनादिल ।