प्रधानमन्त्री भट्टराईपाखें कुटनीतिक कुतः

येँ (झीगु स्वनिगः)

एकीकृत माओवादीया नेता व कार्यकर्तातय्त कैद व जरिवानाया फैसला भारतया अदालतं याःगुयात खारेज याकेगु नितिं प्रधानमन्त्री डा. बाबुराम भट्टराई नं कुटनीतिक कुतः यानादीगु दु । म्हिगः मंगलवाः नेपाःया नितिं भारतीय राजदूत जयन्त प्रसादलिसे भेटवार्ता यानाः अथे प्रधानमन्त्रीं कुटनीतिक कुतः यानादीगु खः । सजाय माफीया बारे राजदूतलिसे प्रधानमन्त्री निवासय् हे भेटवार्ता यानाः प्रधानमन्त्री भट्टराई नं सहलह ब्याकादीगु खः धकाः धाःगु दु ।