रामदेवयाके अल्याख अबैध सम्पति

भारतय् भ्रष्टाचार विरोधी अभियानय् सकि्रय योगगुरु रामदेवयाके तःधंगु ल्याखय् अबैध सम्पति दुगु खँ पिहांवःगु दु । रामदेवया विश्वासपात्र आचार्य बालकृष्णया नीजि सहायक गगन कुमारया नामय् लिपांगु दँय् करोडौंया सम्पति स्वाःगु दु ।

झिद्ध लच्छिया तलब काइम्ह गगनया नामय् करोडौंया सम्पति गुकथं वल धइगु बारे छु नं स्रोत चूलाकेपुूगु मदुनि । गगनया हे नामय् न्याःगु जग्गाय् पताजली योगपिठया स्वामित्व दु ।

सम्पत्तिइ ट्रस्टया धेबा लाःगु जूसा सम्पत्ति मनूया नामय् छाय् ट्रस्टया मजूसे थुलि तःधंगु धेबा गगनयाके गनं वल धइगु न्ह्यसः ब्वलंगु दु । उगु सम्बन्धय् बालकृष्णं धाःसा छुं नं न्वंमवाःगु भारतीय पत्रिका अमर उजालां न्ह्यःथंगु दु ।

१४ मे २०१० य् कालाजरीइ न्ह्यद्ध व न्यासः व नीन्यागू वर्गमिटर जमिन छगू करोड स्वीन्ह्यगू लख स्वीन्याद्धलं न्याःगु उगु जमिन गगनया नामय् दुगु खः ।

बालकृष्णया निजी सहायक गगनं प्यान नम्बर काःसां नं कर दाखिला मयाःगु उत्तराखण्ड आयकर विभाग सूत्रया दाबी दु ।

More Stories Like this