नेपालभाषाया च्वमि बुद्धाचार्य शाक्य मंत
य ल(सन्ध्या टाइम्स)/ नेपालभाषाया च्वमि यलया बुद्धाचार्य शाक्य म्हिगः मंत। 'बुंगद्यः, प्रज्ञा पारमिता, म्हपूजा, स्वनिगलय् ल्वहंहिति, नेपाःया मल्ल जुजुपिं, अंशुवर्मा, चिनाखँ' नापं यानाः नेवाः भाय् व खय् भाय्या छगू दर्जनं मल्याक सफू च्वयादी धुंकूम्ह वय्कः शाक्य ७३ दँय् मदुगु खः।
छगू इलय् पत्रकारीता नं यानादीम्ह वय्कः शाक्यं गौरी अनन्त सिरपाः नापं 'सन्ध्या टाइम्स' न्हिपतिइ बुंगद्यःया बारे दुग्यंगु च्वसु मदिक्क च्वयादियाः 'धर्मादित्य धर्माचार्य सिरपाः' तकं त्याकादीगु खः ।
थीथी सामाजिक संघ संस्था नापं यलं पिदनीगु थीथी पत्र-पत्रिकाय् नं आबद्ध जुयादीम्ह वय्कलं छगू इलय् राससया प्रतिनिधि जुयाः नं ज्या यानादीगु खः। वय्कःया छम्ह काय, छम्ह म्ह्याय् व जहान दी ।
