क्यानभास
रजमाइल श्रेष्ठ
शुन्यताय्
मिखां ख्वबि हायेकाः म्वानाच्वंम्ह क्यानभास नं
छन्हु रंगीन जुयाः इतिइति न्हिलीतिनि
सुनां खनी ला धकाः
सुनां स्वइ ला धकाः
ग्या ग्यां लुकुंबीत्यंम्ह क्यानभास नं
छन्हु
थःगु रंगीन सौन्दर्यतायात
छाति उलाः
सकसिगु न्ह्यःने ब्वइतिनि
सर्गःया तिमिला थें,
सकसिगु मिखाय् च्वनीतिनि
छाय्कि,
च्वसाया नं
छन्हु मनोकांक्षा दनीतिनि
अले
वहे च्वसां
क्यानभासयात रंगीन संसारय्
छन्हु भम्चा यानाः दुत यंकीतिनि ।
Related Stories
तिमिलां सताच्वनMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
