नेपालभाषाया च्वमि बुद्धाचार्य शाक्य मन्त
नेपालभाषाया च्वमि बुद्धाचार्य शाक्य म्हिगः न्हय्स्वदँ (७३) या बैंशय् न्हिनसिया छताः इलय् यलया श्रीवहालय् च्वंगु थःगु हे छेँय् मन्त ।
संस्कृति, राजनीतिक नापं समसामयिक विषयस च्वसु च्वयादीम्ह मदुम्ह शाक्यं नेपालभाषा बाहेक खस व अंग्रेजी भासं नं थी थी सफू नापं च्वसुत च्वयादीगु दु ।
वय्कलं च्वयादीगु "स्वनिगलय् ल्वहं हिति" सफूयात कयाः लोक साहित्य परिषदपाखें ने.सं. १११४ य् "गौरी अनन्त सिरपाः" बिउगु खःसा नेपालभाषाया लोकंह्वाःगु न्हिपौ "सन्ध्या टाइम्स"य् बुंगद्यः सम्बन्धि ताःहाकःगु अनुसन्धानमूलक च्वसुयात कयाः ने.सं. ११२३ य् मांभाय् पुचः यलपाखें "धर्मादित्य धर्माचार्य सिरपाः" लःल्हाःगु खः । थुगु च्वसु खस भासं नं पिदंगु खः । थ्व बाहेक वयकलं चिनाखँ अंशवर्मा, नेपाःया मल्ल जुजुपिं, म्हपूजा, प्रज्ञापारमिता, आदि आपालं साँस्कृतिक नापं थी थी विषयस सफू च्वयादीगु खः ।
मदुम्ह शाक्यया जहान नापं छम्ह काय् व छम्ह म्ह्याय् दु ।
मदुम्ह च्वमि शाक्ययात दुनुगलंनिसें श्रद्धांजलि देछासें दुःखंकःपिं सकल छेँजःपिन्सं धैर्यधारण यायेफयेमाः धकाः बिचाः हायेकाच्वना ।
More Stories Like this
काेरियाय् नेवाः भ्वय्, नम्रता श्रेष्ठयात हन न्यूयाेर्कय् इहि राजनीतिक दलतय् घोषणापत्र व नेवाः दृष्टिकोण किपुली मंकाः बाखं गोष्ठि "वर्तमान राजनीतिक संन्दर्भय् नेवाः स्वायत्त राज्य" सम्बन्धि गोष्ठी
