थौं थःनेयाः
येँ (झीगु स्वनिगः)
थौं येँयाःया झ्वलय् येँया थःने लागाय् कुमारी, भैलःद्यः व गणेद्यःया खः जात्रा याइगु चलन दु । म्हिगः आइतवाः क्वःनेयाः धकाः येँया क्वःने लागाय् जात्रा याःगु खः । म्हिगः हे बहनी साय्मित बौ मत वनेगु, अथे हे दागिं वनेगु तकं याःगु दु ।
येँयाःया झ्वलय् म्हिगः राष्ट्रपति डा. रामवरण यादवं कुमारी द्यःया खः जात्रा बसन्तपुरय् च्वनाः स्वयादीगु खः । अथे हे जात्राया झ्वलय् येँमाःद्यः, आजु द्यः नापं थाय् थासय् थीथी द्यःपिं ब्वयाः तयेगु चलन दु । अथे हे थौं नेवाःतय्सं समेबजि पुन्हि नखःया रुपय् हनीगु नं चलन दु । समय्बजि दान बियाः नखः हनीगु खः ।
