एमालेया नेवाः संघय् न्हूगु नेतृत्व
येँ (झीगु स्वनिगः)
एमालेया भातृ संगठन नेपाः लोकतान्त्रिक नेवाः संघया निक्वःगु देय् तःमुँज्यां न्हूगु नेतृत्व ल्ययेगु ज्या जूगु दु । शनिवाः जूगु तःमुँज्यां नेपाः लोकतान्त्रिक नेवाः संघया न्हूम्ह नायः थिमिया कृष्णबहादुर घःजुयात ल्यःगु दु । मुक्कं यानाः ५५ म्ह केन्द्रीय दुजःत ल्यःगु उगु तःमुँज्यां न्वकुपिं न्हुच्छेलाल महर्जन, विनोद श्रेष्ठ, सावित्री श्रेष्ठ, मदनकाजी श्रेष्ठ व रञ्जन मास्केयात ल्यःगु दु ।
मूछ्याञ्जेय् हिरण्यमान मानन्धर, छ्याञ्जयेय् श्यामलाल तण्डुकार, ज्ञानेन्द्ररत्न बज्रचार्य, लक्ष्मण कुमार शाहीयात ल्यःगु दु । अथे हे दांभरी धर्मकृष्ण श्रेष्ठयात ल्यःगु दु । एमालेया अध्यक्ष झलनाथ खनाल मूपाहां जुयादीगु उगु तःमुँज्यां अथे न्हूगु नेतृत्व ल्यःगु खः ।
