'चक्काजाम' जुयाः जहाज अलपत्र

येँ (सन्ध्या टाइम्स)/झिंप्यम्ह यात्रु ज्वनाः येँनं पोखराय् वंगु यति एयरलाइन्सया छगः जहाजय् 'चक्का जाम' य् लानाः पोखरा विमानस्थलय् अलपत्र जुल। विमानस्थलय् अवतरण यायेगु झ्वलय् चक्का थानाः जहाज अलपत्र जूगु खः। यति एयरलाइन्सया ९-एन एजेसी जहाज विमानस्थलय् ब्वये मफयेक लानाच्वंगु खः। चक्का थाःसां विमान धाःसा तःधंगु दुर्घटनां बचे जूगु खँ धाःगु दु। उगु जहाज मर्मत मजूतलेया निंतिं विमानस्थलय् चिचीग्वःगु बिच क्राफ्ट जहाजत जक दिके खनीगु व्यवस्था याःगु दु ।