येँया पुन्हि [चिनाखँ]
ज्ञानी शोभा तुलाधर नेवाः
ला छकु वयेक समय् वजि
चुक ननि त्वाःत्वाः पतिं
हुइके हइ पुलु किसि
गुलि जक झ झः धाःगु झीगु येँया पुन्हि
मिखा तिसि,
खनि झीगु तजिलजि
मिखा कँना काचाक्क स्वये
ब्वाखः व्वाना च्वंगु खनि
म्हगस थें जितला थौं झल झल लुमनि
मां कालि प्याखं, दी प्याखं
सव द्यः, लाखे प्याखं
गुलि जक पा कया प्याखं ल्हुइके हइगु
अहो झीगु तजिलजि गुलि न्ह्याइपु येँया पुन्हि
लाय्कुलिं गणेस भेलु कुमारीया खः सालि
थःने क्वःने चाहिका म्वाःद्यः या रुप क्यनि
थाय् थाय् पतिं समय् काल बिल याना
न्ह्याइपुकि नखः येँयापुन्हि
वं घलय् आजु द्यःयात वांलाक छाय्पिइ
खः साला थ्यनकि अयेला थों हायेकिइ
कालभैरवया ल्युने च्वंम्ह हाथा द्यःया गपाय् प्वाःगु म्हुतु
स्वकुमित लाइन च्वनि समय् अय्ला कायेत
धात्थे न्ह्याइपुक अयेला हायेकी
पालंपा त्वना, समय्वजि काइ
दक्व रोग लनि धइगु
मनय् तया न्ह्याइपुकिइ
दिवंगत नामं थाय् थाय् पतिं पाल्चा तःवनी
दागिं, वौ मत चाहिइकिगु वहनि स्ववनि
अहो थ्व येँयां पुन्हि नखः गुलि लोक ह्वाःगु
थौ या इलय् लुमंका च्वना क्वथाय्च्वना येँयां पुन्हि
Related Stories
थ्यंके फयेमाः सुं वये त्यः थेंMore Stories Like this
मांया ख्वाः स्वये नेवाः हाइकु निलापौ नेवाः हाइकु निलापौ नेवाः हाइकु निलापौ नेवाः हाइकु निलापौ
