बुन्हिया लसताय् स्वंगू सफू विमोचन
येँ (सन्ध्या टाइम्स)/स्वयम्भूया आनन्द भुवन विहारय् विहारप्रमुख भिक्षु संघरक्षित स्थविर "सद्धम्म कोविद"या बुन्हिया लसताय् विशेष धार्मिक ज्याझ्वःया लिसें वय्कलं च्वयादीगु स्वंगू सफू नं विमोचन जुल। ज्याझ्वलय् विशेष भजन, शीलप्रार्थना, बुद्ध पुजा, धर्मदेशना आदि नापं थीथी ज्याझ्वःत जूगु खः। उपसंघनायक भिक्षु अश्वघोष महास्थविरपाखें शीलप्रार्थना, भिक्षु भद्दिय महास्थविरपाखें धर्मदेशना यासें भिक्षु महासंघपाखें विशेष परित्राण पाठ याःगु खः ।
ज्याझ्वलय् उपसंघनायक भिक्षु अश्वघोष महास्थविरपाखें भिक्षु संघरक्षित स्थविरं च्वयाबिज्याःगु 'वाइज सन' नांगु सफू व भिक्षु भद्दीयपाखें 'पंचशीलको ज्ञान' नांगु सफू यानाबिज्याःगु खःसा 'द ग्रीद फ्रेण्ड्स्' नांगु सफू गोलाप्रथापाखें ल्यःम्ह गीता उपासिकां विमोचन यानादीगु खः। भिक्षु कोण्डन्य स्थविरं स्वंगुलिं सफूया समीक्षा यानादिल। ज्याझ्वलय् जागरण समितिया उपाध्यक्ष बिद्यासागर तुलाधरं सुभाय् बियादीगु खः ।
