दमक नगरया दुवातय् शंखधरया झ्वाता तइगु

येँ (सन्ध्या टाइम्स)/दमक नगरया दुवातय् नेपाल संवत्या प्रवर्तक शंखधर साख्वाःया झ्वाता तइगु जूगु दु। नेवाः देय् दबू दमक नगरया पहलय् उगु झ्वाता तयेगु तयारी जूगु खः। उकिया लागिं दमक नगरपालिकां स्वीकृति बीधुंकूगु दु। लिसें उगु लागाया फुक्कं राजनीतिक पार्टीतय्सं नं शंखधरया झ्वाता तयेत सहमति कायम यायेधुंकूगु दु। उगु झ्वाता तयेत आर्थिक ग्वाहालि बारे खँ ल्हायेत कृष्ण उदास, दिनेश शाक्य, सन्तु श्रेष्ठ, नरेश श्रेष्ठ, राम श्रेष्ठ आदिपिं दुथ्याःगु नेवाः देय् दबू झापा जिल्लाया छगू पुचः येँय् वःगु दु ।