नेपाल लोकतान्त्रिक नेवाः संघया निक्वःगु सम्मेलन

थ्वहे वइगु ञलाथ्व त्रयोदशी (भाद्र २४ गते) शनिवाः खुन्हु नेपाल लोकतान्त्रिक नेवाः संघया निक्वःगु सम्मेलन जुइगु जूगु दु । सम्मेलन स्थल मध्यपुर थिमीया शंखधर पार्टी प्यालेस बिहीवाः छगू पत्रकार सम्मेलन यानाः निक्वःगु सम्मेलनया बारे जानकारी बिउगु खः । सम्मेलनय् जानकारी बिउकथं निक्वःगु सम्मेलनया उलेज्या नेकपा (एमाले)या नायः नापं पुलाम्ह प्रधानमन्त्री झलनाथ खनालं यानादी । शनिवाः सुथसिया ८ बेज सुरु जुइगु सम्मेलनय् मुक्कं ५५ जिल्लाया प्यसः प्रतिनिधितय्सं ब्वःति काइ ।

उगु हे सम्मेलनं नेवाः संघया न्हूगु नेतृत्व ल्यइगु ज्याझ्वः नं दु । वर्तमान नायः सानुराजा शाक्यया कथं नेवाः संघया नायः पदय् वय्कः मदनीगुलिं न्हूगु हे नेतृत्व वइगु जूगु दु । न्हूम्ह नायःया निंतिं हरिकृष्ण व्याजनकार वा कृष्णबहादुर घःजुया सम्भावना दुसाः मू छ्याञ्जेय् येँया हिरण्य साय्मि वा यलया न्हूच्छेलाल महर्जनया सम्भावना दु ।

More Stories Like this