थौं शिक्षा दिवस

येँ (सन्ध्या टाइम्स)/अन्तर्राष्ट्रिय साक्षरता दिवस थौं नेपालय् नं थीथी ज्याझ्वः यानाः हानाच्वंगु दु। संयुक्त राष्ट्र संघीय शैक्षिक, बैज्ञानिक नापं सांस्कृतिक संगठन युनेस्कोपाखें सन् १९६५ नोभेम्बर १५ तारिखं निसें सेप्टेम्बर ८ यात साक्षरता दिवस कथं हना वयाच्वंगु खः। अन्तर्राष्ट्रिय साक्षरता दिवस कुन्हु हे नेपालय् शिक्षा दिवस हना वयाच्वंगु दु। थुगुसी शिक्षा दिवसया मू नारा 'श्रम, सीप व प्रविधि युक्त गुणस्तरीय शिक्षा, विद्यालय शान्ति क्षेत्र नेपाःमिया इच्छा' धकाः तःगु दु ।