छुँ छम्हेस्यां कायल याना बिउगु निगम

राष्ट्रिय ध्वजावाहक धाःगु नेपाल वायुसेवा निगम आः छुँ छम्हेसिया सामना यायेत तकं असफल जुइधुंकल खनिं झ् छम्ह छुँया कारणं वंगु प्यन्हु न्ह्यवंनिसें कायल जुयाच्वंगु नेपाल वायुसेवा निगमया दयनीय हालत थुकिं नं प्रस्ट याः ।

विमान दुने छुँ खने दइगु छुं असामान्य घटना मखु। थज्याःगु घटना विदेशय् नं जू। तर नेपालय् गजबनक्सां जुल। छुँ खने दत धाल। तर ज्वं मज्वं धाये मफु। विमान ब्वयाः हंगकंग थ्यने धुंकल, छुँ दुनेया दुने हे। कर्मचारीतय्सं छुँ ज्वनेधुन धाल, पाइलटतय्सं हानं छुँ खने दत धाल। विदेशी भूमिइ छुँ ज्वनाः अवतरण याःगु नेपाली विमानं भविष्यय् थःगु विश्वसनीयता गुलि कायम याइगु खः, व आः थथें धाये फइगु अवस्था मदु। विमानय् दुहां वंम्ह छुँ लायेधुंकूसां उम्ह छुं विमान दुने मेगु छुं क्षति याः ला मयाः ला धकाः बांलाक चेक अप हे मयासे ब्वयेकाः विदेश यंकूगु खँ उकी दुने हानं लुयावःम्ह निम्हम्ह छुं प्रस्ट याना बिल। विमानय् छुँ तयाः उडान यायेगु ग्यानापु धइगु सीक सीकं हेलचक्राइँ यायेगु बांलाःगु मखु। थ्व इलय् निगमयाके केवल छगः जक विमान दु। निगमं विमान न्यायेगु कुतः याःबलय् अनेक प्रपञ्च यानाः न्याके मबिउ। थौं उकिया हे लिच्वः कथं छगः विमान दयेके यंकाच्वंगु इलय् लाक्क मेगु दुगु विमानयात नं छुँ छम्हेस्यां �ध्वस्त� याना बिल। लिच्वः कथं थौं निगम विमानय् दुहां वंम्ह छुँ पिहां वइ व विमान ब्वयेके धकाः छुँया भरोसाय् च्वनेमाःगु अवस्थाय् थ्यनाच्वन। थुकिं यानाः निगमयात तत्काल जूगु द्यापं ला द हे दनि, व स्वयां नं अप्वः द्यापं ला भविष्यय् वनाः गुलि जुइ धकाःसा बिचाः यायेमाःगु खनेदु ।

More Stories Like this