सांस्कृतिक निबन्धय् मुनीन्द्ररत्न

नेपालभाषां निबन्ध च्वईपं तसकं हे म्हो । अज्याःगु इलय् नं ल्याय्म्ह साहित्यकार जुयाः थःत नेपालभाषाय् पानाच्वंम्ह छम्ह निबन्धकार खः भाजु मुनीन्द्ररत्न बज्राचार्य । विक्रम संवत २००९ साल माघ १७ गते वय्कः येँया झ्वाः- बहालय् बूगु खः । अबु फणीन्द्ररत्न बज्राचार्य व मां रत्नकेशरी बज्राचार्यया प्यम्ह काय मध्यय् तःधीम्ह काय कथं बूम्ह मुनीन्द्ररत्न बज्राचार्यं थुगुसी निबन्ध विधाय् नेपालभाषा परिषदं बीगु याना वयाच्वंगु ठाकुरलाल सिरपाः त्याकादीगु दु । उगु सिरपाः त्याकेधुंकाः वय्कलं थः अहोभाग्य जूगु व थम्हं भाषा प्रति यानागु देनया कदर कथं थःगु निबन्धयात मूल्यांकन यानाः सिरपाः लःल्हाःगु प्रतिकि्रया बियादिल ।

संस्कृति यात्रा वर्णन बुद्धधर्म सम्बन्धी आपालं प्रवन्ध व निबन्ध च्वयाः वय्कः नेपालभाषा निबन्ध विधाय् स्थापित जुइधुंकूम्ह च्वमि खः । खतुं वय्कलं नेपालभाषा खय्भाय् व अंग्रेजी भाषां नं च्वसु च्वयादीगु दु ।

त्रिभुवन विश्वविद्यालयपाखें राजनीति शास्त्रय् एम। ए। यानादीम्ह वय्कलं २०३५ सालंनिसें २०३९ साल तक सुपिङ बहुमुखी क्याम्पसय् उपप्राध्याक जुयाः ज्या यानादिल । अथेहे ललितकला क्याम्पसय् २०३५ सालंनिसें आः तक नं प्राध्यापन यानाच्वनादीगु दु । २०४१ सालंनिसें २०५६ साल तक अमृत क्याम्पसय् नं आंशिक प्राध्यापन यानादिल । २०५४ सालंनिसें विश्वशान्ति बौद्ध शिक्षालयय् प्राध्यापन व सन् १९९२ जुलाईनिसें १९९३ जुलाई तक कम्पोडियाय् संयुक्त राष्ट्र संघ स्वयंसेवक जुयाः सेवा यानादीगु खःसा सन् १९९९ जुन निसें १९९९ सेप्टेम्बर तक पूर्वी टिमोरय् संयुक्त राष्ट्र संघ स्वयंसेवक जुयाः ज्या याःगु अनुभव दु । वय्कः थ्वहे भूमिकाय् अफगानिस्तानय् जूगु चुनावया इलय् नं ग्वाहालि यानादीगु खः ।

वय्कलं भारत पाकिस्तान थाइलैण्ड कम्बोडिया मलेशिया िसंगापुर इण्डोनेशिया पूर्वी टिमोर अफगानिस्तान अष्ट्रलिया आदि देय्या भ्रमण यानादीधुंकूगु दु ।

वय्कलं नेपाल संवत् ११०५ य् न्हापांखुसी ुसुथु नांगु नेपालभाषाया निबन्ध सफू पिथनादिल । अथेहे २०४८ सालय् ुनेपाल परिचयु नांगु नेपाली भाषां पाठ्यसफू नं पिथनादिल । उकथं हे २०४८ सालय् हे ुराजनीति शास्त्र एक परिचयु नांगु सफू नं पिथनादिल । अथेहे ुबज्रयान पुलुपालु नांगु नेपालभाषाया धार्मिक सफूया सहलेखक जुयाः २०४८ सालय् हे मेगु सफू नं पिथनादिल । दकलय् लिपा वय्कलं च्वयादीगु खय् भाय्या सफू ुनेपालका चार प्रसिद्ध करुणामय लोकेश्वरु नांगु सफू नं २०५८ सालय् पिथनादीगु दु । नापं थीथी पत्रिपत्रिकाय् अनुसन्धानमुलक निबन्ध च्वयाः थःगु निबन्ध च्वयेगु विधायात निरन्तरता बियाच्वनादीगु दु । थ्व बाहेक नं वय्कः त्वालय् जुइगु थीथी सामाजिक धार्मिक ज्याय् निर-न्तर सकि्रय जुयाः लगे जुयाच्वनादीगु दु ।

More Stories Like this