कांग्रेसया प्यंगू हे भातृ संगठन विघटनया प्रस्ताव
येँ (झीगु स्वनिगः)
नेपाली कांग्रेया न्ह्यानाच्वंगु केन्द्रीय कमिटीया मुँज्याय् कांग्रेसया प्यंगू हे भातृ संगठन विघटन यायेगु नितिं प्रस्ताव तःगु दु । पार्टीया बरिष्ठ नेता शेरबहादुर देउवा पक्षधरं विरोध यानाः च्वंक च्वंहं हे कांग्रेसया संस्थापन पक्षया नेता महामन्त्री प्रकाशमान सिंहं प्यंगू हे भातृ संगठन विघटन विस्ता यायेगु प्रस्ताव तःगु खः ।
म्हिगःया मुँज्याय् नेपाल तरुण दल, महिला संघ, दलित संघ व किसान संघ विघटन यायेमाः धकाः प्रस्ताव तःगु खः । प्यंगू हे भातृ संगठनया म्याद फुइ धुंकूगु अवस्थाय् खुलाया दुने निर्वाचन यानाः न्हूगु नेतृत्व ल्ययेगु तयारी यानाः अथे भातृ संगठन विघटन यायेमाः धकाः प्रस्ताव तयादीगु खः । उगु प्रस्तावयात कयाः थौं च्वनीगु मुँज्याय् सहलह जुइ धकाः कांग्रेसया नेतातय्सं धयादीगु दु ।
