जनतां पत्याः मयाःम्ह नेता हे प्रधानमन्त्री

सर्वशक्तिमान पार्टी कथं देय्या राजनीतिइ न्ह्यलुवाः जुयाः न्ह्यःने वःगु नेकपा एकिकृत माओवादीं नं अन्तय् राजिनामा बियाः सरकार त्वःते हे माल । जनादेश कथं शान्ति देशय् सुब्यवस्था कायम यानाः गणतान्त्रिक देय् दयेकेगु तातुनाः वःम्ह माओवादीया अध्यक्ष प्रचण्डं देय्या विकसित राजनैतिक धरातल म्हसीके मफयाः वैदेशिक हुँकारया न्ह्यःने छ्यों क्वछुके हे माल । नेता- गिरीतन्त्रया ख्वाःपाः पुनाः अस्थिर राजनीति म्हिताच्वंिपं बहुदलीय प्रजातन्त्रवादी नेतातय्गु प्रजातन्त्र परास्त जुइधुंकाः नं नेतातय्गु अवशेष ल्यं दनिगुिलं फोहोरी राजनीितं देय् गबलें नं मुक्त जुइ फइ मखु । साम दाम दण्ड भेदया नीतियात सर्वोच्च स्थान बियाः देय् गबलें मुक्त जुइ मफइगु सिद्ध हे जुयाच्वंगु दु ।

माओवादीतय्त वःगु जना- देश धइगु देशय् शान्ति बहाली यानाः संविधान दयेकेगु तक हे जक सीमित खः । तर माओवादीं सत्ता ल्हातय् लायेवं हथाय्चायाः देय्या विकास यायेगु राजनीतियात छखे हाकुतिनाः थःगु हे राजनीति लादे यायेगु कुतः यात गुकिया लिच्वः कथं छम्ह सरकारी कर्मचारीं हे माओवादीयात सत्ताच्यूत याना बिल धाःसां पाइ मखु । आः माओवादी सत्ताय् मदु तर कर्मचारी सत्ताय् दृढ जुयाच्वंगु दु । थुकियात वाला स्वत धाःसा देय्या राजनीति व राजनैतिक चरित्र प्रस्ट खने दइ । माओवादीया आशय सान्दर्भिक जू राष्ट्रपितं असंवैधानिक कथं सरकारया निर्णय उल्लंघन यात । तर माओवादीया हे रणनीति फसय् ब्वल । देशय् ब्वलना- च्वंगु नियम उल्लंघन व संविधान उल्लंघनया राजनैतिक चरित्रयात प्रचण्डं थुइके मफुत । अधिकारविहिन ल्वहंयाम्ह द्यः थें थापना यानातःम्ह राष्ट्रपितं माओवादीयात नेतालय् दाल । थ्व देशय् ब्वलनाच्वंगु षडयन्त्रपूर्ण राजनीतिया चाल खः ।

कांगे्रसया धर्म व कर्म कथं नं थ्व पार्टी प्रजातन्त्रवादी हे जुइमाः । तर गज्याःगु प्रजातन्त्रवादी जुइमाः धयागु कांग्रेसया नेतातय्सं मसिउ । छाय्धाःसां कांगे्रसी प्रजातन्त्र जनताया विरुद्ध वंगुिलं ०६३ सालं जनआन्दोलन यायेमाल । जुजु ज्ञानेन्द्र ला दुर्घटनाया शिकार जूगु जक खः ।

तःधंगु पार्टी कथं खने दयाच्वंगु एमालेया धर्म वामपन्थी विचारधारा हे खः । तर कर्म प्रजातन्त्रवादी कांगे्रस नेतातय्गु सेवा जुयाच्वन । कांगे्रसं वरदान बीसातकि राजनीतिक विषयय् हालीम्ह थें यःयःथे हाला जुइगु पार्टी धकाः थुकियात संज्ञा बिउसां पाइ मखु । मनमोहन अधिकारीया प्रधानमन्त्रीकाल व आः माधव नेपालया प्रधानमन्त्रीकालयात कांगे्रसया वरदान सिबें राजनैतिक बरकतया हैसियत प्राप्त सरकार धकाः गौरव तायेथाय् मदु । थज्याःगु सरकारं दे व जनताया िभं याइगु म्हगस खंकेथाय् नं मदु । सरकार गढन जुइ न्ह्यः हे ततःधंगु पार्टीतय्सं संसद व सडकया ख्याच्वः बीधुंकल । देय्या राजनीितं गथे न्हूगु लँपु काये माःगु खः अथे जुइ मफु । थुकिया जिम्मवार सु

पार्टीवालातय्गु दिनचर्या धयागु सरकार दयेकेगु सरकार क्वःथलेगु जक खः गुगु देय् व जनताया लािगं कलंक हे जुइधुंकल । ०६३ सालया जनआन्दोलनयात थीथी नामं परिभाषित याःिपं नेतात गन वन नेपाःयात न्हूगु देय् दयेकाः जनताया सेवा याये धाःिपं माओवादीत असफल जुल । कारण माला स्वत धाःसा माओवादीया हैकमवादी प्रवृत्ति हे मुख्य खने दः वइ गुिकं यानाः थ्व पार्टी थःथम्हं हे आकासय् हावा नये माल । माओवादीया आडम्बरं देय् दयेके मफइगु नं निश्चित हे खनेदत । अथे जूगुिलं देय्या भविष्य अनिश्चित व अंधकारय् लानाच्वंगु दु । नेतातय्गु दिनचर्या देय् व जनताया सिबें क्वथाय् च्वनाः सरकार दयेकेगु व क्वःथलेगु जक जुसेंलि राजनैतिक चरित्र हिले मफुसेंलि देय् व जनता प्रति वफादार सरकार गठन यानाः अग्रगति कयेत हानं मेगु जन आन्दोलनया तयारी याये माःगु खः ला धइगु बिचाः नं थन खने दया वल । देय्या राजनीतिइ कांगे्रस जक असफल जुल धयां न्हूगु राजनैतिक नारा ज्वना वःम्ह माओवादीं नं छुं प्रगति याये मफुत ।

आः एमालेयागु भागय् शान्ति सुब्यवस्था व संविधान दयेकेगु जिम्मेवारी लाः वःगु दु । थुकिया लािगं प्रतिबद्धता क्यनेगु जक मखु दृद्धता नं व्यक्त यानाः एमालें थःपिनिगु दायत्वि पूवंकेमाः । एमालें थुलि याइ धकाः जनतां आशा व भरोसा नं काये हे माल । तर एमालंे नं प्रशासन प्रणालीइ थः कार्यकर्तात ल्वःल्वःथाय् ततं हे सरकारया अवधि फुइगु खः ला आः चिन्ता याये माःगु अवस्था नं खने दयेधुंकल । अथे जूगुिलं देय्या राजनीतिइ नेतातय्सं कुदृष्टि मतल धाःसा देय् व जनता प्रति समवेदना तल धाःसा देय् व जनतायात सर्वोच्चता बिल धाःसा फुक्क पार्टी व नेतात मिले जुयाः राजनीतियात सुधार यानाः जन आन्दोलनया भावनायात कदर यात धाःसा देय् व जनताया ख्वालय् अवश्य नं न्हूगु न्हिलासू वइ । आशा याये थौंया संवेदनशील राजनीतिया इलय् नेतातय् दथुइ कटुता ब्वलना- च्वंगु जूसां थःपिनि राजनीतिक दक्ष सक्षमता प्रदर्शन यानाः देय् व जनतायात अःपुक न्हूगु लँपुइ यंके फइ ।

जनतां पत्याः मयाःम्ह नेता प्रधानमन्त्री जू वःगुिलं ुगनं नं मजूगु जात्रा हाडि गामय्ु धइ जूगु हे जुल तर जनतां पत्याः याकाः क्यनेगु छगू अवसर धाःसा भाजु माधव नेपाल-यात वःगु नं दु थ्व अवसरयात वय्कलं उपयोग यायेमाः ।
तारण शाक्य

More Stories Like this