स्वायत राज्यया निश्चितता
'आत्मनिर्णय अधिकारसहित स्वायत्त प्रदेशया व्यवस्था दुगु संघीय शासन प्रणाली' – माओवादी व मधेशवादीयात स्वा:गु मुख्य सुत्र थ्वहे जुगु खनेदु, गुकिं डा. बाबुराम भट्टरार्इयात प्रधानमन्त्री दयेकल । माओवादीं जातिय मुद्धा ल्ह्वंगु जूगुलिं हे थीथी जनजातिया मनूत इ:मिगु जनयुद्धय् सामेल जुल, अले उचार्इ तक थ्यंका: देसय् परिवर्तन हयेगु ज्याय् माओवादी सफल जुल । थ्व ख“ नं सही ख: । तर माओवादी सरकारय् वनेधुंका: इमिसं थ्व मुद्धायात बुलुहु“ त्व:तेगु कुत: मया:गु नं मखु । तर स्वायत्त राज्यया आन्दोलन विकास जुयाच्वंगु या नापनापं शत्तmिकेन्द्र माओवादीयात क्व:थलेत अनेक दाउ रचना या:गु हुनिं नं माओवादी जनतता मुद्धायात ब: कायेगु मत्व:तू ।
थुकिं याना: हे मधेसीतसें माओवादीनाप जाये खन धा:सा तरार्इलय् स्वायत्त राज्य हये खनी धइगु नं आशा इमिसं खंगु जुइफु । खतुं मधेशवादी दलतसें छगू मधेस छगू प्रदेशया नारा थ्वयेका वयाच्वंगु ख: । उकिं इमिसं संविधानसभाय् राज्यपुर्नसंरचना समितिपाखे न्ह्यब्व:गु प्रस्तावयात इमिसं 'जनजति प्रस्ताव' जुल धका: कुखिना जूगु ख: । गुलिं बम्हूर्ृवादी प्रस्ताव सा गुलि जनजाति प्रस्ताव मधेसवादी प्रस्ताव ग्व ? धका: इमिसं या:गु ख: । तर १४ गू प्रदेशया प्रस्तावयात हे फाता पुइकेत राज्य पुनर्संरचना आयोग दयेकेगु षडयन्त्र जुयच्वंगु इमिसं खंवलय् इमिसं जनजाति व बम्हर्ुवादीया ल्वापुर्इ तटस्थ च्वनेमज्यू, जनजातिया हे पक्ष्ँय् वनेया: धका: इमिसं ठहरयात । थ्व हे ल्यादं इमिसं हे राज्यपुर्नसंरचना आयोग दयेकेगु सवालयात क्व:थला व्यूगु ख: । मखुसा इमिसं माओवादीं धयाच्वंगु शासकीय स्वरुपयात माने याना: माओवादीयात १४ गू प्रदेशया प्रस्तावया थासय् पुनर्संरचना आयोगय् सहमति याकेगु दाउ बम्हर्ुवादीतसें पिथना च्वंगु ख: । माओवादी थ्व ख“य् माने मजुया च्वंसा छुन्हु माने याकेफइ धइगु इमिगु विश्वास ख:, तर मधेशवादीतसें तप्यंक हे अस्वीकार यानाव्यूबलय् तिनी आयोगया प्रस्ताव हे फसं पूगु ख: । वरु प्राविधिक टीमया सुभmाव कायेगु धइगु माओवादीं हे न्ह्यब्व:गु विचा:यात मधेशवादीं कय् च्याना: न्ह्य:ने वल । तर थुज्व:गु ख“ वयेवं आयोग दयकेमा: धा:पि सुम्क च्वन । मधेशवादीलिसेया नेतातसें थुगु दौरानय् विचा: यायेधुंकल धा:सा आ: आपा: ख“ ल्हाना: इश्यू ल्ह्वनाच्वन धायेवं, इश्यू खाली इश्यू जक जुयाच्वनी, बम्हर्ूवादीतसें फाइदा का:गु कालं तुं जुयाच्वनी, अथे जूगुलिं आ: १४ गू प्रदेशया प्रस्तावया च्व: ज्वना: हे न्हज्यायेमा: । थुगु १४ गू प्रदेशया प्रस्तवाय् मिले मजुगु ख“यात लिपा सचे यायेमा:सा लिपा हे याये । तर थ्व च्व: मज्वनेव नेपालय् बम्हर्ूवादी ढा“चाया हे प्रदेश वर्इ व लिपा त:धंगु संघर्ष व बलिदान यायेमा:गु जुइ । थुकथं लिपा त:धंगु संघर्ष्ा व बलिदानय् वनेगु स्थिति वयेकेगु सिकं आ: संविधान दयेकेगु इलय् गुगु अवसर वयाच्वंगु दु, थुकियात भरपुर उपयोग ययोमा: धइगु इमिगु ठहर खनेदु । माओवादी व मधेशवादी सहमति नं थ्व व्यवहारिकता सी दइगु खनेदु ।
More Stories Like this
नेवा: आन्दोलनया उपलब्धी जनजाति आन्दोलनय् नेतृत्वया सवाल सामुद्रिक रेशमया लँ सम्बन्धी न्हापांगु एक्स्पो जनजाति आन्दोलनय् पद्मरत्नया नेतृत्व हिन्दूराष्ट्रया खँ आ: छाय् ?
