उद्योगय् हे मजदुर सिनाच्वन

येँ (सन्ध्या टाइम्स)/सुनसरी सोनापुरय् च्वंगु रेम्बो इन्क प्रा. लि. उद्योगया क्वथा दुने हे छम्ह मजदुर सिनाच्वंगु अवस्थाय् लूगु दु। केमिकल इन्जिनियरया रुपय् ज्या याइम्ह मजदुर राजाराम कोरी सिनाच्वंगु घटनायात कयाः छानबिन सुरु याःगु दु। दत्या न्ह्यःनिसें उगु उद्योगय् ज्या यानाच्वंम्ह भारतय् छेँ दुम्ह ५० दँया कोरी स्टाफ क्वथाय् क्वप्सां पुयाः द्यनाच्वंगु हे अवस्थाय् सिनाच्वंगु खः। नुगःचुया विरामी वयात म्हिगः बहनी सिनाच्वंगु अवस्थाय् लुइकूगु खः ।