'इहि' या अर्थ 'इहिपा' मखु

येँ (सन्ध्या टाइम्स)/थनया लाय्कू बहिली इहि मुंकेज्या जुल। बौद्ध विद्वान यज्ञमानपति वज्राचार्यया छेँजःया ग्वसालय् जूगु उगु ज्याझ्वलय् २५ म्ह कन्या मस्तय्सं ब्वति काःगु खः। लिसें २.५ फिट तःधिम्ह लुं सियातःम्ह अक्षोभ्य बुद्ध मूर्ति पलिस्था यायेगु ज्या नं जूगु खः। नेवाः जाति दुने जक दुगु इहि यानाः मस्तय् भविष्य सुथांलाकेगु आज्जुं थुगु ज्याझ्वः न्ह्याकागु खँ बज्राचार्यं कनादिल। वय्कलं इहिया अर्थ इहिपा मखुसें ईया हिउपाः खः धकाः नं ध्वाथुइकादिल। इहि धुंकूम्ह मस्त तःधिकः सरह जुयाः समाजया क्रियाकलापय् ब्वति कायेमाःगु खँ नं वय्कलं कनादिल ।