युरोपया राजदूततपाखें कांग्रेसया नेतातलिसे सहलह

येँ (सन्ध्या टाइम्स)/युरोपियन युनियनय् आबद्ध मुलुकया राजदूततय्सं थौं नेपाली कांग्रेसया नेतातलिसे सहलह ब्याकादीगु दु। कांग्रेसया सभापति सुशील कोइरालाया निवास महाराजगञ्जय् वनाः देय्या लिपांगु राजनीतिक घटनाक्रमयात कयाः सहलह ब्याकादीगु खः। कांग्रेसया नेतातय्सं शान्ति व संविधानया नितिं थःपिंसं रचनात्मक भूमिका म्हितेगु जुइ धकाः बचं बियादीगु खः। उगु सहलह ज्याझ्वलय् कांग्रेसया बरिष्ठ नेता शेरबहादुर देउवा, संसदीय दलया नेता राम चन्द्र पौडेललिसें मेमेपिं नेतात नं दुगु खः ।