पञ्चाङ्गं यानाः गौर पर्वय् लिच्वः

येँ (सन्ध्या टाइम्स)/नेपाल पञ्चाङ्ग निर्णायक समितिया निर्णययात बहिस्कार यानाः कन्चनपुरया मनूतय्सं थौं गौरा पर्व हंगु दु। पञ्चाङ्ग निर्णायक समितिपाखें भदौ १९ गते अगष्टी उदय जूगुलिं धकाः ४ भदौ महिनाय् हे गौरा पर्व न्यायेकेगु साइत बिउगु खःसा अबलय् नं गौरा पर्व न्यायेकूगु खः। पञ्चाङ्गया निर्णय हावादारी धकाः स्थानीय ज्योतिषतय्सं थौं भदौ २१ गते हे गौरा पर्व खः धकाः धायेवं सुदूरपश्चिमया दार्चुला, बैतडी, डंडेल्धुरा, बझाङ, बाजुरा नापं कैलाली व कञ्चनपुरया मनूतय्सं थौं तिनि गौरा पर्व न्यायेकूगु खः। थथे निक्वः तक गौरा पर्व न्यायेकेगु ज्या जूगुलिं थुगुसी न्हापा न्हापा थें उल्लासपूर्ण मजुल धकाः धाःगु दु। गौरा सुदूरपश्चिमवासीया छगू महत्वपूर्ण नखः खः ।