रिजेन्द्रयात हना
येँ (सन्ध्या टाइम्स)/इन्द्रचोक क्लबया ग्वसालय् आः नकतिनि क्वचाःगु खुल्ला फिडे बुद्धिचालया उपाधि त्याकेत सफल रिजेन्द्र राजभण्डारीयात म्हिगः थन जूगु छगू ज्याझ्वःया दथुइ हनेज्या जुल। थनया थाय्मदुइ च्वंगु शहीद शुक्र क्लबं वय्कःयात हंगु खः। क्लबया नायः राजेशप्रसाद श्रेष्ठया सभापतित्वय् जूगु छगू बःचा धंगु ज्याझ्वःया दथुइ मूपाहां नेपालभाषा आन्दोलनया न्ह्यलुवा लिसें नेवाः देय् दबूया संरक्षक मल्ल के. सुन्दरं स्वामां व खादां क्वखायेकाः हनापौ लःल्हानादीगु खः । क्लबया दुजः लक्ष्मण राजोपाध्यायं लसुकस यानादीगु ज्याझ्वलय् क्लबया दुजःपिं लिसें स्थानीय व्यक्तित्वःपिंसं नं वय्कःयात स्वामां व खादां क्वखायेकाः हंगु खः ।
