फोटो पत्रकारतय् न्हूगु कार्यसमिति
राष्ट्रिय फोटोपत्रकार समूहया खुक्वःगु महाधिवेशनं न्हूगु कार्यसमिति ल्यःगु दु। समूहया नायः मिन वज्राचार्यया सभापतित्वय् जूगु ज्याझ्वलय् सञ्चार सचिव श्रीधर गौतम, नेपाल टेलिभिजनया पुरुषोत्तम घिमिरे, वरिष्ठ फोटोग्राफर जगदिश तिवारी व पत्रकार महासंघपाखें दिपक पाण्डेपिं पाहां कथं झाःगु खः ।
१७१ म्ह दुजःपिनि दथुइ जूगु निर्वाचनं नायः पदय् कविन्द्रमान शाक्ययात ल्यःगु दुसा न्वकु हरिगोपाल प्रधान, मूछ्यांज्ये हरिप्रसाद रेग्मी, छ्यांज्ये किशोर श्रेष्ठ, दांभरि बालकृष्ण थापा क्षेत्री व दुजय् नरेश श्रेष्ठ, देवकी बिष्ट, किरणकुमार पन्थी, महेशराज डंगोल, राम गुरुङ्ग (पोखरा) व राम शर्राफ (वीरगंज) निर्वाचित जूगु दु। आन्तरिक कचवंया कारणं स्वीम्ह ति दुजःतय्सं ज्याझ्वः बहिष्कार याःगु खः ।
